Almatyda Ortalyq Azııada esirtki taratpaýdyń aldyn alý baǵdarlamasyna (CADAP 6) oraı II Halyqaralyq aýmaqtyq konferensııa júrip jatyr
Konferensııaǵa aýmaqtyǵy bes respýblıkanyń Ishki ister mınıstrliginiń tikeleı esirtkini baqylaýǵa alǵan departamentteriniń, densaýlyq saqtaý mınıstrliginiń narkologııalyq-emdeý ortalyqtary men memlekettik emes uıymdardyń ókilderi, sondaı-aq birqatar sheteldik mártebeli maman-meımandar qatysýda.
Eki kúnge sozylatyn keńestiń alǵashqy saǵattarynda Qazaqstanda jańadan paıda bolǵan sıntetıkalyq esirtkini paıdalaný men ony emdeý úlgileri, narkologııalyq esepke tirkeýdiń halyqaralyq ınnovasııalyq talaptary men sheshimdi joldary, nashaqor-naýqastyń emdelýge qoljetimdiligi sekildi máseleler talqyǵa salyndy. Osy oraıda negizgi baıandama jasaǵan Cheh Respýblıkasynyn kelgen esirtki jónindegi úılestirýshi-maman Iındrıh Voborıl men CADAP Baǵdarlamasynyń jetekshisi Ernest Robellonyń, Ulttyq Baǵdarlama strategııasynyń belsendisi Djon-Pıter Kýlstiń (Nıderlandy) sózderi tartymdy shyqty. Onda qoǵamdyq dertpen kúresýdiń san qyrly joldary men ádisteme-tásilderi ashyp kórsetildi. Profılaktıkalyq-ınovasııalyq qozǵalystarǵa barsha azamattardy jappaı tartý máseleleri aıtyldy.
О́z kezeginde sóz alǵan Qazaqstan Respýblıkasy Ishki ister mınıstrliginiń Esirtki bıznesimen kúres jáne esirtki aınalymyna baqylaý jasaý jónindegi departamentiniń jaýapty ókili Ivan Dobryshın esirtkige qarsy júrgiziletin negizgi sharalar men monıtorıng jasaýdyń eýropalyq tásilderi Qazaqstan aýmaǵynda talaptaǵydaı júzege asyp jatqanyn atap ótti.
–Bizdiń mamandarymyz Amsterdamdaǵy Trimbos ınstıtýtynda bolyp, nıderlandyq áriptesterdiń ulttyq monıtorıg jasaý ortalyǵynyń qyzmetimen tanysty, keńinen zerttedi, – dedi Dobryshın. – Sonyń ıgilikti nátıjesi bolar taıaý merzimde dál sondaı monıtorıngileý ortalyǵy bizdiń elimizde de ashylady.
Ortalyq Azııa elderinde esirtkiniń taratýǵa tosqaýyl qoıý jónindegi baǵdarlamanyń Eýroodaqtyń osy saladaǵy salalyq jobasyna tikeleı qatysy bar. Nıderlandy, Cheh Respýblıkasy, Polsha men Germanııa memleketteri sekildi halyqaralyq yntymaqtastyq aıasyndaǵy baǵdarlamaǵa EO qarjylaı qoldaý kórsetip keledi.
Jıynǵa qatysýshylar tústen keıingi májilisinde densaýlyq saqtaý men esirtki qaýipsizdigi taqyrybynda keńeıtilgen otyrys jasaıdy. Elimizde paıda bolǵan jańa sıntetıkalyq esirtkini paıdalanýdyń asa kúrdeliligi men qazirgi taǵdaǵy sandyq ósimi, ony jaǵasha emdeý úlgileri týraly Qazaqstan dárigerleri oılaryn ortaǵa salady.
Talǵat SÚIINBAI,
«Egemen Qazaqstan»
Almaty